ഖത്തർ ഈദുൽ ഫിത്തർ അവധി പ്രഖ്യാപിച്ച് അമീരി ദിവാൻ.

ദോഹ: ഖത്തറിൽ സർക്കാർ സ്ഥാപനങ്ങൾക്കും, പൊതുസ്ഥാപനങ്ങൾക്കുമുള്ള ഈദ് അൽഫിത്തർ അവധിക്കാല സെഡ്യൂൾ അമീരി ദിവാൻ ഔദ്യോഗികമായി പ്രഖ്യാപിച്ചു.

മന്ത്രാലയങ്ങൾ, മറ്റ് സർക്കാർ ഏജൻസികൾ, പൊതു സ്ഥാപനങ്ങൾ എന്നിവയ്ക്കുള്ള ഈദ് അവധി 2025 മാർച്ച് 30 ഞായറാഴ്ച ആരംഭിച്ച് 2025 ഏപ്രിൽ 7 തിങ്കളാഴ്ച അവസാനിക്കും. ജീവനക്കാർ 2025 ഏപ്രിൽ 8 ചൊവ്വാഴ്ച ജോലി പുനരാരംഭിക്കണം.

ഖത്തർ സെൻട്രൽ ബാങ്ക് (ക്യുസിബി), ക്യുസിബിയുടെയും ഖത്തർ ഫിനാൻഷ്യൽ മാർക്കറ്റ്സ് അതോറിറ്റിയുടെയും (ക്യുഎഫ്എംഎ) മേൽനോട്ടത്തിൽ പ്രവർത്തിക്കുന്ന ബാങ്കുകൾ, ധനകാര്യ സ്ഥാപനങ്ങൾ എന്നിവയെ സംബന്ധിച്ചിടത്തോളം, അവധിയുടെ ആരംഭവും അവസാനവും ക്യുസിബി ഗവർണർ വ്യക്തമാക്കും.