യുവാവ് ഭാര്യയെയും, സുഹൃത്തിനെയും വെട്ടിക്കൊന്നു.

പത്തനംതിട്ട: യുവാവ് ഭാര്യയെയും സുഹൃത്തിനെയും വെട്ടി കൊലപ്പെടുത്തി. കലഞ്ഞൂർ പാടത്തുണ്ടായ സംഭവത്തിൽ വൈഷ്ണവി (27) വിഷ്ണു (34) എന്നിവരാണ് കൊല്ലപ്പെട്ടത്. സംഭവത്തിൽ വൈഷ്ണവിയുടെ ഭർത്താവ് ബൈജുവിന് പോലീസ് കസ്റ്റഡിയിലെടുത്തു. അയൽവാസിയായ വിഷ്ണുവിന്റെ വീട്ടിൽ വച്ചായിരുന്നു സംഭവം സംഭവ സ്ഥലത്ത് വെച്ച് തന്നെ വൈഷ്ണവി മരിച്ചു. വിഷ്ണുവിനെ പത്തനംതിട്ട ജനറൽ ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കാനായില്ല. ഞായറാഴ്ച രാത്രിയാണ് നാടിനെ നടുക്കിയ സംഭവമുണ്ടായത്. അക്രമണം നടത്തിയശേഷം ബൈജു തന്നെയാണ് സുഹൃത്തുക്കളെ വിളിച്ച് ഇക്കാര്യം പറഞ്ഞത്. പിന്നീട് സുഹൃത്തുക്കളാണ് പോലീസിൽ വിവരമറിയിച്ചത്. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.