മടിക്കൈ നന്ദപുരം ശ്രീകൃഷ്ണ ജന്മാഷ്ടമി മഹോത്സവം ഇന്ന്

മടിക്കൈ: ശ്രീകൃഷ്ണ ജയന്തിയോടനുബന്ധിച്ച് മടിക്കൈ ആലമ്പാടി നന്ദപുരം ശ്രീ ഗോപാലകൃഷ്ണ ക്ഷേത്രത്തിൽ ഇന്ന് ശ്രീകൃഷ്ണ ജന്മാഷ്ടമി മഹോത്സവം നടക്കും. വൈകുന്നേരം 4 മണിയോടെയാണ് ആഘോഷ പരിപാടികൾക്ക് തുടക്കമാകുക.

ഇതിന്റെ ഭാഗമായി മടിക്കൈ ആലമ്പാടി ശ്രീ മഹാവിഷ്ണു ക്ഷേത്രത്തിൽനിന്ന് വിവിധ കലാപരിപാടികളുടെയും നന്ദപുരം കർമ്മ വാദ്യസംഘത്തിന്റെ ശിങ്കാരിമേളത്തിന്റെയും അകമ്പടിയോടെ ഘോഷയാത്ര സംഘടിപ്പിക്കും. ഘോഷയാത്രയിൽ നിരവധി ഭക്തജനങ്ങൾ പങ്കെടുക്കും.