ഖത്തറിനോട് മാപ്പുപറഞ്ഞ് നെതന്യാഹു.
വാഷിംഗ്ടണ്: ഇസ്രയേലിന്റെ ഖത്തർ ആക്രമണത്തില് മാപ്പുപറഞ്ഞ് പ്രധാനമന്ത്രി ബെഞ്ചമിന് നെതന്യാഹു. ഖത്തര് പ്രധാനമന്ത്രിയോട് വൈറ്റ് ഹൗസില് നിന്നും നടത്തിയ ടെലഫോണ് സംഭാഷണത്തിലാണ് നെതന്യാഹു മാപ്പുപറഞ്ഞതെന്ന് വാർത്താ ഏജൻസിയായ റോയിറ്റേഴ്സ് റിപ്പോര്ട്ട് ചെയ്യുന്നു. നെതന്യാഹു-ട്രംപ് കൂടിക്കാഴ്ചയ്ക്കിടെയാണ് ഖത്തര് പ്രധാനമന്ത്രി ഷെയ്ഖ് മുഹമ്മദ് ബിന് അബ്ദുള്റഹ്മാന് അല് താനിയ്ക്ക് നെതന്യാഹുവിന്റെ ഫോണ് കോള് ലഭിച്ചത്. സെപ്റ്റംബർ ഒമ്പതിന് വൈകിട്ട് മൂന്നരയോടെയാണ് ദോഹയിലെ നയതന്ത്ര മേഖലയായ ലഗ്താഫിയയിൽ ഇസ്രയേൽ അപ്രതീക്ഷിത ആക്രമണം നടത്തിയത്. ആക്രമണത്തിൽ ആറുപേർ കൊല്ലപ്പെടുകയും സുരക്ഷ ഉദ്യോഗസ്ഥർക്കും സാധാരാണക്കാർക്കും പരിക്കേൽക്കുകയും ചെയ്തിരുന്നു. ഹമാസ് പൊളിറ്റിക്കൽ ബ്യൂറോ അംഗങ്ങൾ താമസിച്ചിരുന്ന കെട്ടിടത്തിന് നേർക്കാണ് ആക്രമണം നടത്തിയതെന്നായിരുന്നു ഇസ്രയേലിന്റെ വാദം.
What's Your Reaction?
