ദുബായിൽ നിർമ്മാണം ആരംഭിക്കാൻ പോകുന്ന യുഎഇയിലെ ആദ്യത്തെ 3D പ്രിന്റഡ് പള്ളി 2026 ൽ തുറക്കും.

ദുബായ്: ദുബായിൽ നിർമ്മാണം ആരംഭിക്കാൻ പോകുന്ന യുഎഇയിലെ ആദ്യത്തെ 3D പ്രിന്റഡ് പള്ളി 2026 ന്റെ രണ്ടാം പാദത്തിൽ തുറക്കുമെന്ന് ദുബായിലെ ഇസ്ലാമിക് അഫയേഴ്‌സ് ആൻഡ് ചാരിറ്റബിൾ ആക്ടിവിറ്റീസ് ഡിപ്പാർട്ട്‌മെന്റ് (ഐ.എ.സി.എ.ഡി) അറിയിച്ചു.2023 ജനുവരിയിൽ ആദ്യമായി പ്രഖ്യാപിച്ച പള്ളിയുടെ നിർമ്മാണ പ്രവർത്തനങ്ങൾ ആരംഭിച്ചതായും മന്ത്രാലയം അറിയിച്ചു.ദുബായിൽ 475 മില്യൺ ദിർഹം ചെലവിൽ 55 പുതിയ പള്ളികൾ കൂടി നിർമ്മിക്കും,ഇതിൽ 40,961 വിശ്വാസികളെ ഉൾക്കൊള്ളാൻ കഴിയും, ഭാവിയിലെ പള്ളി നിർമ്മാണത്തിനായി 54 പുതിയ സ്ഥലം അനുവദിച്ചിട്ടുണ്ടെന്ന് ഐ.എ.സി.എ.ഡി യുടെ മത കാര്യ വിഭാഗം അറിയിച്ചു. വിപുലീകരണ പദ്ധതികളുടെ ഭാഗമായി, 172 മില്യൺ ഡോളർ ചെലവിൽ 24 പുതിയ പള്ളികൾ നിർമ്മിച്ചതായും, 13,911 വിശ്വാസികളെ ഉൾക്കൊള്ളാൻ ഇതിൽ സാധിക്കുമെന്ന് വകുപ്പ് വ്യക്തമാക്കി.പ്രൊഫഷണൽ സ്പെഷ്യലൈസേഷൻ പിന്തുണയുടെ കാര്യത്തിൽ ആധുനിക സാങ്കേതികവിദ്യ ഉപയോഗിച്ച് പള്ളി രൂപകൽപ്പനയിലും എഞ്ചിനീയറിംഗിലും വിദ്യാർത്ഥികളെ പരിശീലിപ്പിക്കുന്നതിനും, പ്രാദേശികവൽക്കരണ ശ്രമങ്ങളെയും യുവ പ്രതിഭകളുടെ വികസനത്തെയും പിന്തുണയ്ക്കുന്നതിനും ഈ മേഖല അമേരിക്കൻ സർവകലാശാലയിലെ സ്കൂൾ ഓഫ് ആർക്കിടെക്ചറുമായി സഹകരിച്ചു പ്രവർത്തിക്കുന്നു.ദുബായിലെ പള്ളികളിലെ കാർബൺ ബഹിർഗമനത്തിൽ 5% കുറവ് രേഖപ്പെടുത്തി. വായു ഗുണനിലവാരം അളക്കുന്നതിനുള്ള ഉപകരണങ്ങൾ സ്ഥാപിച്ചതിന്റെ ഫലമായി ഊർജ്ജ കാര്യക്ഷമത 20% മെച്ചപ്പെട്ടു. സുസ്ഥിരതാ മാനദണ്ഡങ്ങളുടെ അടിസ്ഥാനത്തിൽ പള്ളികൾക്ക് 7-സ്റ്റാർ റേറ്റിംഗ് നേടുകയെന്ന ലക്ഷ്യത്തോടെ, ഈ മേഖല നിലവിൽ 'മോസ്ക് ഗൈഡ്' തയ്യാറാക്കിക്കൊണ്ടിരിക്കുകയാണെന്ന് മന്ത്രാലയം വ്യക്തമാക്കി.