മുഖ്യമന്ത്രി പിണറായി വിജയനെ സ്വീകരിച്ച് ഖത്തർ.

ദോഹ: ഖത്തറിലെത്തിയ മുഖ്യമന്ത്രി പിണറായി വിജയനെയും, സംഘത്തെയും ഖത്തർ അന്താരാഷ്ട്ര സഹകരണ വകുപ്പ് സ്വീകരിച്ചു. ചടങ്ങിൽ മാനുഷിക പ്രവർത്തന മേഖലയിൽ ഖത്തർ നടത്തുന്ന തുടർച്ചയായ ശ്രമങ്ങൾക്കും, ഇന്ത്യയ്ക്കും, രാജ്യത്ത് താമസിക്കുന്ന ഇന്ത്യൻ ‘കേരള’ സമൂഹത്തിനും നൽകുന്ന തുടർച്ചയായ പിന്തുണയ്ക്കും അംഗീകാരമായി, അന്താരാഷ്ട്ര സഹകരണ സഹമന്ത്രി ഡോ. മറിയം ബിൻത് അലി ബിൻ നാസർ അൽ-മിസ്‌നാദിന് കേരള മുഖ്യമന്ത്രി പിണറായി വിജയൻ ആദരസൂചകമായ ഷീൽഡ് സമ്മാനിച്ചു. ഫിഷറീസ്, സാംസ്കാരിക, യുവജനകാര്യ മന്ത്രി സജി ചെറിയാൻ, കേരള സർക്കാരിന്റെ ചീഫ് സെക്രട്ടറി ഡോ. എ. ജയതിലക്, ഇന്ത്യൻ അംബാസഡർ വിപുല്‍, നിരവധി ഇന്ത്യൻ ഉദ്യോഗസ്ഥർ എന്നിവർ ഉൾപ്പെടുന്ന ഇന്ത്യൻ പ്രതിനിധി സംഘവും മുഖ്യമന്ത്രിയോടൊപ്പം ഉണ്ടായിരുന്നു. യോഗത്തിൽ, ഖത്തറിന്റെ മാനുഷിക നിലപാടുകളെയും, ഏറ്റവും ദുർബല വിഭാഗങ്ങളെ പിന്തുണയ്ക്കുന്നതിലും രണ്ട് സൗഹൃദ രാജ്യങ്ങൾക്കിടയിലുള്ള മാനുഷിക, വികസന പങ്കാളിത്തം ശക്തിപ്പെടുത്തുന്നതിലും ഖത്തറിന്റെ നേതൃപാടവത്തെയും മുഖ്യമന്ത്രി അഭിനന്ദിച്ചു. അന്താരാഷ്ട്ര സഹകരണ സഹമന്ത്രിയെ ആദരിക്കുന്നത് മാനുഷിക ഐക്യദാർഢ്യത്തിന്റെയും, അന്താരാഷ്ട്ര സഹകരണത്തിന്റെയും മൂല്യങ്ങൾ ഉൾക്കൊള്ളുന്ന ഖത്തറിന്റെ നിലപാടുകളോടുള്ള നന്ദി പ്രകടിപ്പിക്കുന്നുവെന്ന് അദ്ദേഹം എഎടുത്തു പറഞ്ഞു.