ഷെയ്ഖ് സായിദ് ഗ്രാൻഡ് മോസ്‌കിന് മിഡിൽ ഈസ്റ്റിൽ ഒന്നാം സ്ഥാനവും ആഗോളതലത്തിൽ എട്ടാം സ്ഥാനവും.

അബുദാബി: പ്രമുഖ യാത്രാ, ടൂറിസം പ്ലാറ്റ്‌ഫോമായ ട്രിപ്പ്അഡ്‌വൈസറിന്റെ 2025 ലെ ആഗോള റിപ്പോർട്ട് അനുസരിച്ച്, ലോകത്തിലെ ഏറ്റവും പ്രധാനപ്പെട്ട ലാൻഡ്‌മാർക്കുകളുടെ പട്ടികയിൽ ഉയർന്ന റാങ്കുകളിലേക്ക് മുന്നേറിക്കൊണ്ട് അബുദാബിയിലെ ഷെയ്ഖ് സായിദ് ഗ്രാൻഡ് മോസ്‌ക് ഒരു പുതിയ ആഗോള നാഴികക്കല്ല് കൈവരിച്ചു. മികച്ച ആകർഷണ വിഭാഗത്തിൽ, 2024 ലെ റാങ്കിംഗിൽ നിന്ന് രണ്ട് സ്ഥാനങ്ങൾ കയറി, സായിദ് ഗ്രാന്റ് മോസ്ക് ആഗോളതലത്തിൽ 25 വിശിഷ്ട ലാൻഡ്‌മാർക്കുകളിൽ എട്ടാം സ്ഥാനത്താണ്. ഈ വിഭാഗത്തിൽ മിഡിൽ ഈസ്റ്റിലെ ഒന്നാം നമ്പർ ആകർഷണമെന്ന സ്ഥാനം നിലനിർത്തി, മേഖലയിലെ ഏറ്റവും മികച്ച പത്ത് സ്ഥലങ്ങളുടെ പട്ടികയിൽ ഒന്നാമതെത്തി. ലോകമെമ്പാടുമുള്ള എട്ട് ദശലക്ഷത്തിലധികം ലാൻഡ്‌മാർക്കുകളുടെ സമഗ്രമായ വിശകലനത്തെ അടിസ്ഥാനമാക്കിയാണ് ഗ്രാന്റ് മോസ്ക്കിന്റെ ആഗോള റാങ്കിംഗ്.