സിബിയുഎഇ 'സുന്ദസ് എക്സ്ചേഞ്ചിന്റെ' ലൈസൻസ് റദ്ദാക്കി, 10 ദശലക്ഷം ദിർഹത്തിന്റെ സാമ്പത്തിക ഉപരോധം ഏർപ്പെടുത്തി.

അബുദാബി: 2018 ലെ ഫെഡറൽ ഡിക്രി നിയമ നമ്പർ (20) ലെ ആർട്ടിക്കിൾ (14) അനുസരിച്ച്, തീവ്രവാദത്തിനും, നിയമവിരുദ്ധ സംഘടനകൾക്കും ധനസഹായം നൽകുന്നതിനെതിരെയും, കള്ളപ്പണം വെളുപ്പിക്കൽ തടയുന്നതിനെക്കുറിച്ചും, അതിന്റെ ഭേദഗതികൾ അനുസരിച്ചും യുഎഇ സെൻട്രൽ ബാങ്ക് യുഎഇയിൽ പ്രവർത്തിക്കുന്ന "സുന്ദസ് എക്സ്ചേഞ്ചിന്റെ" ലൈസൻസ് റദ്ദാക്കുകയും, ലൈസൻസ് രജിസ്റ്ററിൽ നിന്ന് അതിന്റെ പേര് നീക്കം ചെയ്യുകയും 10 ദശലക്ഷം ദിർഹത്തിന്റെ സാമ്പത്തിക ഉപരോധം ഏർപ്പെടുത്തുകയും ചെയ്തു. സിബി‌യു‌എ‌ഇ നടത്തിയ പരിശോധനകളുടെ ഫലങ്ങളുടെ അടിസ്ഥാനത്തിലാണ് റദ്ദാക്കലും സാമ്പത്തിക ഉപരോധവും ഏർപ്പെടുത്തിയത്. കള്ളപ്പണം വെളുപ്പിക്കൽ വിരുദ്ധ ചട്ടക്കൂടിന്റെയും, തീവ്രവാദത്തിനും, നിയമവിരുദ്ധ സംഘടനകൾക്കും ധനസഹായം നൽകുന്നതിനുള്ള പോരാട്ടത്തിന്റെയും ലംഘനങ്ങളും, പരാജയങ്ങളും ഇതിൽ കണ്ടെത്തിയിട്ടുണ്ട്. സാമ്പത്തിക ഇടപാടുകളുടെ സുതാര്യതയും, സമഗ്രതയും നിലനിർത്തുന്നതിനും യുഎഇ സാമ്പത്തിക വ്യവസ്ഥയെ സംരക്ഷിക്കുന്നതിനുമായി എല്ലാ എക്സ്ചേഞ്ച് ഹൗസുകളും അവയുടെ ഉടമകളും ജീവനക്കാരും സിബിയുഎഇ സ്ഥാപിച്ച യുഎഇ നിയമങ്ങൾ, ചട്ടങ്ങൾ, മാനദണ്ഡങ്ങൾ എന്നിവ പാലിക്കുന്നുണ്ടെന്ന് ഉറപ്പാക്കാൻ സിബിയുഎഇ അതിന്റെ മേൽനോട്ട, നിയന്ത്രണ ഉത്തരവുകളിലൂടെ ശ്രമിക്കുന്നതായി വ്യക്തമാക്കി.