ഒമാനിൽ ഗ്യാസ് സിലിണ്ടർ പൊട്ടിത്തെറിച്ച് മലയാളി ദമ്പതികൾ മരിച്ചു.
മസ്കറ്റ്: ഒമാനിലെ മസ്കറ്റ് ഗവർണറേറ്റിലുള്ള ബൗഷറിലെ ഒരു റസ്റ്റോറന്റിൽ ഗ്യാസ് സിലിണ്ടർ പൊട്ടിത്തെറിച്ച് മലയാളി ദമ്പതികൾ മരിച്ചു. കണ്ണൂർ ജില്ലയിലെ തലശ്ശേരി സ്വദേശികളായ വി പങ്കജാക്ഷൻ (59), ഭാര്യ കെ സജിത (53) എന്നിവരാണ് മരിച്ചത്. വർഷങ്ങളായി ഒമാനിൽ താമസിച്ചിരുന്ന ദമ്പതികൾ റസ്റ്റോറന്റിന് മുകളിലുള്ള ഒരു കെട്ടിടത്തിലായിരുന്നു താമസിച്ചിരുന്നത്.
ശനിയാഴ്ച പുലർച്ചെയാണ് റസ്റ്റോറന്റിലെ ഗ്യാസ് സിലിണ്ടർ പൊട്ടിത്തെറിച്ചതിനെത്തുടർന്ന് വാണിജ്യ, പാർപ്പിട കെട്ടിടം ഭാഗികമായി തകർന്നത്. മസ്കറ്റ് ഗവർണറേറ്റിലെ സിവിൽ ഡിഫൻസ് ആൻഡ് ആംബുലൻസ് അതോറിറ്റിയിലെ അഗ്നിശമന സേനാംഗങ്ങളാണ് രക്ഷാപ്രവർത്തനം നടത്തിയത്.
What's Your Reaction?
