കുവൈറ്റിൽ രാവിലെ 11 മുതൽ വൈകുന്നേരം 4 വരെ റോഡുകളിൽ മോട്ടോർ സൈക്കിളുകൾ ഡെലിവറി ചെയ്യുന്നത് നിരോധിച്ചു.

കുവൈറ്റ്സിറ്റി: ജൂൺ ഒന്നു മുതൽ ഓഗസ്റ്റ് അവസാനം വരെ എല്ലാ റോഡുകളിലും ഡെലിവറി മോട്ടോർസൈക്കിളുകളുടെ പ്രവർത്തനം രാജ്യവ്യാപകമായി നിരോധിച്ചതായി ആഭ്യന്തരമന്ത്രാലയം പ്രഖ്യാപിച്ചു. ഈ നിയന്ത്രണം ദിവസവും രാവിലെ 11 മുതൽ വൈകുന്നേരം നാലു വരെ നടപ്പിലാക്കും. നിരോധനം പാലിക്കുന്നതിൽ പരാജയപ്പെടുന്നത് പെർമിറ്റ് വ്യവസ്ഥകളുടെ ലംഘനമായി കണക്കാക്കുമെന്ന് മന്ത്രാലയം വെള്ളിയാഴ്ച പുറത്തിറക്കിയ പത്രക്കുറിപ്പിൽ ജനറൽ ഡിപ്പാർട്ട്മെന്റ് ഓഫ് പബ്ലിക് റിലേഷൻസ് ആൻഡ് സെക്യൂരിറ്റി മീഡിയ അറിയിച്ചു