നാല് കിലോ കഞ്ചാവുമായി അന്യസംസ്ഥാന തൊഴിലാളി അറസ്റ്റിൽ

കാസർകോട്: ബാഗിൽ ഒളിപ്പിച്ചു കടത്തുകയായിരുന്ന നാല് കിലോയോളം കഞ്ചാവുമായി അന്യസംസ്ഥാന തൊഴിലാളിയെ പോലീസ് അറസ്റ്റ് ചെയ്തു. ചൗക്കി കാവുംഗോളിയിൽ താമസിക്കുന്ന ഉത്തർപ്രദേശ് സ്വദേശി സുനിൽ പ്രസാദാ(41)ണ് പിടിയിലായത്. ജില്ലാ പോലീസ് മേധാവിയുടെ ഡാൻസാഫ്‌ സംഘം പിടികൂടി തടഞ്ഞുവെച്ച പ്രതിയെ എസ് ഐ സി ആർ മൗഷമി, പ്രൊബേഷൻ എസ് ഐ പ്രജിത്, പോലീസ് ഉദ്യോഗസ്ഥരായ നീരജ്, അഭിലാഷ്, ജയിംസ് എന്നിവർ സ്ഥലത്തെത്തി കസ്റ്റഡിയിൽ എടുത്തു. ഡാൻസാഫ് അംഗങ്ങളായ നിജിൻ കുമാർ, രജീഷ് കാട്ടാമ്പള്ളി, റിതേഷ്, അനീഷ്, ഭക്ത ഷൈവൽ എന്നിവരും സംഘത്തിലുണ്ടായിരുന്നു.