ലഹരി ഉപയോഗം; വാറണ്ടു പ്രതി അറസ്റ്റിൽ

മഞ്ചേശ്വരം: വിവിധ കേസുകളിൽ പ്രതിയായ യുവാവിനെ മഞ്ചേശ്വരം പോലീസ് അറസ്റ്റു ചെയ്തു. മീഞ്ച കളായിയടുക്ക കൊളച്ചെപ്പു സ്വദേശി മുഹമ്മദ് ഹുസൈനെ (32)യാണ് അറസ്റ്റ് ചെയ്തത്. പൊതു സ്ഥലത്ത് പുകവലിക്കുന്നത് കണ്ട യുവാവിനെ ചോദ്യം ചെയ്തപ്പോഴാണ് വലിച്ചത് എം ഡി എം എ യാണെന്ന് പ്രതി സമ്മതിച്ചത്. ആക്രമം, സംഘട്ടനം, കഞ്ചാവ്, അബ്കാരി കേസുകളിൽ പ്രതിയായ മുഹമ്മദ് ഹുസൈൻ തനിക്കെതിരെ ഒരു എൽ പി കേസും, മൂന്നു വാറണ്ടു കേസുകളുണ്ടെന്നും പോലീസിനോട് സമ്മതിച്ചു. ഇയാളെ ഇന്ന് കോടതിയിൽ ഹാജരാക്കും.