97 ശതമാനം മാർക്കോടെ ബി.കോം ബാച്ച് ടോപ്പറായി ചുണ്ടയിലെ ഉണ്ണിമായ

മടിക്കൈ: കണ്ണൂർ സർവകലാശാലയുടെ ബി.കോം 2023–2026 ബാച്ചിൽ 97 ശതമാനം മാർക്ക് നേടി നേട്ടം കൈവരിച്ച്  നെഹ്റു കോളേജിൽ ബാച്ച് ടോപ്പറായി ഉണ്ണിമായ ടി.കെ. ശ്രദ്ധേയയായി. കാഞ്ഞങ്ങാട് നെഹ്‌റു ആർട്സ് ആൻഡ് സയൻസ് കോളേജിലെ വിദ്യാർത്ഥിനിയായ ഉണ്ണിമായയുടെ ഈ മികവ് ചുണ്ട ഗ്രാമത്തിന്റെ അഭിമാന നേട്ടമായി മാറി. കഠിനാധ്വാനവും സ്ഥിരതയാർന്ന പഠനവും വഴി മികച്ച വിജയം സ്വന്തമാക്കിയ ഉണ്ണിമായയ്ക്ക് അധ്യാപകരും സഹപാഠികളും നാട്ടുകാരും അഭിനന്ദനങ്ങൾ നേർന്നു. ചുണ്ടയിലെ ടി ഉണ്ണികൃഷ്ണന്റെയും, ബേബിയുടെയും മകളാണ്.