അബുദാബി അന്താരാഷ്ട്ര വേട്ട, കുതിരസവാരി പ്രദർശനം നാളെ ആരംഭിക്കും.

അബുദാബി: അബുദാബി ഇന്റർനാഷണൽ ഹണ്ടിംഗ് ആൻഡ് ഇക്വസ്ട്രിയൻ എക്സിബിഷന്റെ 22-ാമത് പതിപ്പ് ഓഗസ്റ്റ് 30 മുതൽ സെപ്റ്റംബർ 7 വരെ അബുദാബിയിലെ അഡ്നിക്ക് സെന്ററിൽ നടക്കും. ഫാൽക്കൺറി, വേട്ട, കുതിരസവാരി, മത്സ്യബന്ധനം, ഔട്ട്ഡോർ സ്പോർട്സ് എന്നീ മേഖലകളിലെ എമിറാത്തി സംസ്കാരവും, പൈതൃകവും ആഘോഷിക്കുന്നതിനായി സമർപ്പിച്ചിരിക്കുന്ന ഈ പ്രദർശനം മിഡിൽ ഈസ്റ്റിലെയും, വടക്കേ ആഫ്രിക്കയിലെയും ഇത്തരത്തിലുള്ള ഏറ്റവും വലിയ പ്രദർശനമാണ്. അൽ ദഫ്ര മേഖലയിലെ ഭരണാധികാരിയുടെ പ്രതിനിധിയും, എമിറേറ്റ്സ് ഫാൽക്കണേഴ്‌സ് ക്ലബ്ബിന്റെ ചെയർമാനുമായ ഷെയ്ഖ് ഹംദാൻ ബിൻ സായിദ് അൽ നഹ്യാന്റെ രക്ഷാകർതൃത്വത്തിൽ നടക്കുന്ന എഡിഹെക്സ് 2025 ഇതുവരെയുള്ളതിൽ വച്ച് ഏറ്റവും വലിയ പ്രദർശനമായിരിക്കും. എമിറേറ്റ്സ് ഫാൽക്കണേഴ്‌സ് ക്ലബ്ബുമായി സഹകരിച്ച് മോഡൺ ഹോൾഡിംഗ് കമ്പനിയായ അഡ്‌നെക് ഗ്രൂപ്പാണ് പരിപാടി സംഘടിപ്പിക്കുന്നത്. 2003-ൽ ആരംഭിച്ചതിനുശേഷം നടക്കുന്ന ഈ പ്രദർശനത്തിന്റെ ചരിത്രത്തിലെ ഏറ്റവും വലിയ പ്രദർശനമായിരിക്കും ഇത്തവണത്തേത്. ദിവസവും രാവിലെ 11 മുതൽ രാത്രി 10 വരെ ഒമ്പത് ദിവസം നീണ്ടുനിൽക്കുന്ന പ്രദർശനത്തിൽ ഫാൽക്കൺറി ലേലം, ഒട്ടക ഓട്ടമത്സരം, കുതിരസവാരി പ്രദർശനങ്ങൾ എന്നിവയുൾപ്പെടെ വൈവിധ്യമാർന്ന പരിപാടികൾ ഉണ്ടായിരിക്കും.