ഡ്രൈവിംഗിലെ അശ്രദ്ധ; അപകടം വർദ്ധിക്കുന്നതായി ആഭ്യന്തര മന്ത്രാലയം.

അബുദാബി: യുഎഇയിൽ വാഹനാപകടങ്ങളുടെ പ്രധാന കാരണം അമിത വേഗതയും, അശ്രദ്ധയുമാണെന്നും, ഇതിൽ 827 അപകടങ്ങൾ ഉണ്ടായിട്ടുണ്ടെന്നും ആഭ്യന്തര മന്ത്രാലയത്തിന്റെ 2024-ലെ ഗതാഗത അപകട സ്ഥിതിവിവരക്കണക്കുകൾ വെളിപ്പെടുത്തി. അശ്രദ്ധമായി വാഹനമോടിക്കുന്ന സംഭവങ്ങൾ വർദ്ധിച്ചു വരുന്നതായും കുറിപ്പിൽ പറയുന്നു. ഇത്തരത്തിൽ 776 അപകടങ്ങൾ ഡ്രൈവർമാരുടെ വിവിധ തരത്തിലുള്ള അശ്രദ്ധമൂലമുണ്ടായി എന്നാണ് കണ്ടെത്തൽ.

രാജ്യത്തുടനീളം 455 അപകടങ്ങൾ ഉണ്ടായി. അബുദാബിയിൽ 77 അപകടങ്ങളും, ദുബായിൽ 241 ഉം, ഷാർജയിൽ 44 ഉം, അജ്മാനിൽ 27 ഉം, ഉം അൽ ഖുവൈനിൽ 19 ഉം, റാസൽഖൈമയിൽ 35 ഉം, ഫുജൈറയിൽ 12 ഉം, അപകടങ്ങൾ റിപ്പോർട്ട് ചെയ്തു.

റോഡിലേക്ക് പ്രവേശിക്കുന്നതിന് മുമ്പ് റോഡ് വ്യക്തമാണെന്ന് ഉറപ്പാക്കാത്തത്, ചുവപ്പ് സിഗ്നൽ മറികടക്കുക, കാൽനടയാത്രക്കാരുടെ അവകാശങ്ങൾ അവഗണിക്കുക, റോഡിന്റെ അവസ്ഥ കണക്കിലെടുക്കാതെ അമിതവേഗത, ഗതാഗതത്തിന് എതിരായി വാഹനമോടിക്കുക, പിൻവശം പരിശോധിക്കാതെ പിന്നോട്ട് പോകുക, ട്രാഫിക് അടയാളങ്ങൾ അവഗണിക്കുക എന്നിവയും അപകടങ്ങൾക്ക് കാരണമാകുന്നുവെന്ന് റിപ്പോർട്ടിൽ പറയുന്നു.