ദോഹയിലെ കെയ്റോ സർവകലാശാലയ്ക്ക് ഈജ്പ്തിലെ സുപ്രീം കൗൺസിലിന്റെ അംഗീകാരം.

ദോഹ: ഖത്തർ തലസ്ഥാനമായ ദോഹയിൽ കെയ്‌റോ സർവകലാശാലയുടെ ഒരു ശാഖ സ്ഥാപിക്കാനുള്ള തീരുമാനത്തിന് ഈജിപ്തിലെ സുപ്രീം കൗൺസിൽ ഓഫ് യൂണിവേഴ്‌സിറ്റി അംഗീകാരം നൽകി.

ഈജിപ്ഷ്യൻ ഉന്നത വിദ്യാഭ്യാസ, ശാസ്ത്ര ഗവേഷണ മന്ത്രാലയത്തിന്റെ മാധ്യമ ഉപദേഷ്ടാവും, ഔദ്യോഗിക വക്താവുമായ ഡോ. അദേൽ അബ്ദുൽ ഗഫാറാണ് ഇക്കാര്യം വെളിപ്പെടുത്തിയത്.

ഡോ. അയ്മാൻ അഷൂറിന്റെ നേതൃത്വത്തിൽ ഇതുമായി ബന്ധപ്പെട്ട് യോഗം ചേർന്നതായി അറബിക് ദിനപത്രമായ അരായ റിപ്പോർട്ട് ചെയ്തു.

സമ്പദ്‌വ്യവസ്ഥ വികസിപ്പിക്കുന്നതിൽ സർവകലാശാലകളുടെ പങ്ക് പരമാവധിയാക്കുന്നതിൽ രാജ്യത്തിന്റെ താൽപ്പര്യത്തിന് അനുസൃതമായി, നവീകരണത്തിന്റെ പങ്ക് വർദ്ധിപ്പിക്കുക എന്നതാണ് നിലവിലെ ഘട്ടത്തിലെ മുൻഗണനകളിൽ പ്രധാനമെന്ന് ഡോ. അഷൂർ ഊന്നിപ്പറഞ്ഞു.

വിജ്ഞാന ഉൽപ്പാദനത്തിനും, ശാസ്ത്ര ഗവേഷണം വർദ്ധിപ്പിക്കുന്നതിനും, സർവകലാശാലകളും വ്യാവസായിക, ബിസിനസ് സമൂഹവും തമ്മിലുള്ള സഹകരണം വർദ്ധിപ്പിക്കുന്നതിലൂടെയും ഇത് കൈവരിക്കണമെന്ന് അദ്ദേഹം പറഞ്ഞു.