പ്രമുഖ കഥാകാരി കെ ആർ മല്ലിക അന്തരിച്ചു
തിരുവനന്തപുരം: പ്രമുഖ കഥാകാരിയും ദേശാഭിമാനി മുൻ പ്രൂഫ് റീഡറുമായ കെ ആർ മല്ലിക(72) അന്തരിച്ചു. പാപ്പനംകോട് കൈലാസം വീട്ടിലായിരുന്നു താമസം. സംസ്കാരം വെള്ളിയാഴ്ച വൈകിട്ട് 4-മണിക്ക് തൈക്കാട് ശാന്തി കവാടത്തിൽ.
ഭർത്താവ് ദേശാഭിമാനി മുൻ സീനിയർ ന്യൂസ് എഡിറ്റർ കെ പി രവീന്ദ്രനാഥ്. മക്കൾ: നിമ ആർ നാഥ്, കെ ആർ നിശാന്ത്. മരുമകൻ: ജി പ്രവീൺ. സാഹിത്യ അക്കാദമി സമഗ്രസംഭാവന പുരസ്കാരം നേടിയ മല്ലികയ്ക്ക് രണ്ടുതവണ അബുദാബി ശക്തി അവാർഡ് ലഭിച്ചു. ഭാരത്ഭവൻ ഏർപ്പെടുത്തിയ വിവർത്തന പുരസ്കാരവും നേടിയിട്ടുണ്ട്. പുരോഗമന കലാസാഹിത്യസംഘം സംസ്ഥാന കമ്മിറ്റി അംഗമായി പ്രവർത്തിച്ചു.
നാവ്, സമാന്തരം, മായാമാളവഗൗള, നിറങ്ങൾക്കപ്പുറം, വളയം, അമ്മ, അകം എന്നിവയാണ് പ്രധാന കൃതികൾ.
What's Your Reaction?
