യുഎഇയിൽ അടിയന്തര വാഹനങ്ങൾക്ക് വഴി നൽകിയില്ലെങ്കിൽ 3,000 ദിർഹം പിഴ.

അബുദാബി: അടിയന്തര വാഹനങ്ങൾക്ക് വഴി നൽകേണ്ടതിന്റെ പ്രാധാന്യത്തെക്കുറിച്ച് യുഎഇ അധികൃതർ വാഹനമോടിക്കുന്നവർക്ക് മുന്നറിയിപ്പ് നൽകി.

ആഭ്യന്തര മന്ത്രാലയത്തിന്റെ കണക്കനുസരിച്ച്, 2024-ൽ ആംബുലൻസുകൾ, പോലീസ് പട്രോളിംഗ്, മറ്റ് അടിയന്തര വാഹനങ്ങൾ എന്നിവയ്ക്ക് വഴങ്ങാത്തതിന് 325 ഡ്രൈവർമാർക്ക് പിഴ ചുമത്തിയതായി മന്ത്രാലയം വ്യക്തമാക്കി.

"നിങ്ങൾ സൈറണുകൾ കേൾക്കുമ്പോഴോ, മിന്നുന്ന ലൈറ്റുകൾ കാണുമ്പോഴോ, അത് വെറുമൊരു മുന്നറിയിപ്പ് മാത്രമല്ല, അത് അനുസരിക്കാനുള്ള ഒരു ആഹ്വാനമാണ്." മന്ത്രാലയം വ്യക്തമാക്കി. അടിയന്തര വാഹനങ്ങളെ അനുസരിക്കുക എന്നത് നിയമപരമായ ഒരു ആവശ്യകത മാത്രമല്ല, അത് റോഡ് സുരക്ഷയുടെയും, ഏറ്റവും പ്രധാനമായി, ജീവൻ രക്ഷിക്കുന്നതിന്റെയും കാര്യമാണെന്നും അധികൃതർ മുന്നറിയിപ്പ് നൽകുന്നു.

അടിയന്തര സാഹചര്യങ്ങളിൽ സഹായം ആവശ്യമുള്ളവർക്ക് എത്രയും വേഗം എത്തിച്ചേരാൻ തടസ്സമില്ലാത്ത റോഡുകളെയാണ് ആശ്രയിക്കുന്നതെന്ന് മന്ത്രാലയം വ്യക്തമാക്കി. കാലതാമസം ഗുരുതരമായ പ്രത്യാഘാതങ്ങൾ ഉണ്ടാക്കുകയും, ജീവൻ അപകടത്തിലാക്കുകയും ചെയ്യും.

അടിയന്തര വാഹനങ്ങൾക്ക് വഴിമാറിക്കൊടുക്കാത്ത ഡ്രൈവർമാർക്ക് 3,000 ദിർഹം പിഴ, 30 ദിവസത്തെ വാഹനം കണ്ടുകെട്ടൽ, 6 ട്രാഫിക് പോയിന്റുകൾ എന്നിവ ഉൾപ്പെടെയുള്ള ഗുരുതരമായ പിഴകൾ നേരിടേണ്ടിവരുമെന്നും,അടിയന്തര വാഹനം പിന്നിലാണോ, അരികിലാണോ, അല്ലെങ്കിൽ മറ്റൊരു പാതയിൽ നിന്ന് വരുന്നതാണോ എന്നത് പരിഗണിക്കാതെ തന്നെ എല്ലാ റോഡ് ഉപയോക്താക്കൾക്കും ഇത് ബാധകമാണെന്നും മുന്നറിയിപ്പിൽ പറയുന്നു.

വിവിധ എമിറേറ്റുകളിലായി 325 നിയമലംഘനങ്ങൾ നടന്നതായി അധികൃതർ വ്യക്തമാക്കി., ഏറ്റവും കൂടുതൽ ലംഘനങ്ങൾ രേഖപ്പെടുത്തിയത് ഇനിപ്പറയുന്ന എമിറേറ്റുകളിലാണ്.

ദബായ്: 160

അബുദാബി: 107

അജ്മാൻ: 31

ഷാർജ: 17

റാസൽഖൈമ: 5

ഉമ്മുൽ ഖുവൈൻ: 3

ഫുജൈറ: 2