കണ്ണൂർ സെൻട്രല് ജയിലില് നിന്ന് വീണ്ടും മദ്യവും നിരോധിത പുകയില ഉത്പന്നങ്ങളും പിടികൂടി.
കണ്ണൂർ: കണ്ണൂർ സെൻട്രല് ജയിലില് നിന്ന് വീണ്ടും മദ്യവും നിരോധിത പുകയില ഉത്പന്നങ്ങളും പിടികൂടി. ജയിലിലെ ആശുപത്രി ബ്ലോക്കിൻ്റെ ശുചിമുറിക്ക് സമീപമാണ് രണ്ട് കുപ്പി മദ്യവും ഹാൻസ് ഉള്പ്പെടെ പുകയില വസ്തുക്കളും കണ്ടെത്തിയത്. സഞ്ചിയിലാക്കി പുറത്ത് നിന്ന് എറിഞ്ഞ് കൊടുത്തതാണെന്നാണ് സംശയം. ജയില് സൂപ്രണ്ടിൻ്റെ പരാതിയില് ടൗണ് പൊലീസ് കേസെടുത്തു. ഇതിന് മുൻപും സമാനമായ സാഹചര്യം കണ്ണൂർ സെൻട്രല് ജയിലില് ഉണ്ടായിരുന്നു. അഞ്ചാം ബ്ലോക്കിന്റെ പിന്വശത്തുള്ള കല്ലിനടിയില് ഒളിപ്പിച്ച നിലയില് ഒരു ഫോണ് അടക്കം കണ്ടെത്തിയിരുന്നു. 3 കുപ്പി മദ്യവും 3 പാക്കറ്റ് സിഗരറ്റും ജയില് ആശുപത്രിയുടെ മതിലിന് പിറകിലുള്ള ശുചിമുറിക്ക് അടുത്തു നിന്ന് കണ്ടെത്തുകയും ചെയ്തിരുന്നു.
What's Your Reaction?
