കുവൈറ്റിലെ ഇന്ത്യൻ എംബസി പുതിയ പാസ്‌പോർട്ട് ഫോട്ടോ നിയമങ്ങൾ നടപ്പിലാക്കുന്നു.

കുവൈറ്റ്സിറ്റി: സെപ്റ്റംബർ മുതൽ പാസ്പോർട്ട് അപേക്ഷകൾക്കായി അന്താരാഷ്ട്ര സിവിൽ ഏവിയേഷൻ ഓർഗനൈസേഷന്റെ മാനദണ്ഡങ്ങൾ പാലിക്കുന്ന ഫോട്ടോഗ്രാഫുകൾ മാത്രമേ ബന്ധപ്പെട്ട അധികാരികൾ സ്വീകരിക്കുകയുള്ളൂവെന്ന് കുവൈത്തിലെ ഇന്ത്യൻ എംബസി അറിയിച്ചു. ഐ സി എ ഓ മാർഗ്ഗനിർദ്ദേശങ്ങൾ അനുസരിച്ച് ഫോട്ടോ നിറത്തിലായിരിക്കണം. 630x810 പിക്സൽ വലിപ്പം, മുന്നിൽ നിന്ന് പൂർണ്ണ മുഖം കാണിക്കണം. ഫോട്ടോയുടെ 80 മുതൽ 85% വരെ വിസ്തീർണ്ണം ഉൾക്കൊള്ളണം. നിഴലുകളോ, പ്രതിഫലനങ്ങളോ ഇല്ലാത്ത വെളുത്ത പശ്ചാത്തലത്തിൽ കണ്ണുകൾ തുറന്നതും, വ്യക്തവുമായിരിക്കണം. പ്രകാശ ഇഫക്റ്റുകളോ, റെഡ് 'ഐ' യോ ഇല്ലാതെ വായ തുറന്നതോ, ചരിഞ്ഞതോ ആകരുത് എന്ന് എംബസി ചൂണ്ടിക്കാട്ടി. കമ്പ്യൂട്ടർ സോഫ്റ്റ്‌വെയർ ഉപയോഗിച്ചുള്ള ഫോട്ടോ എഡിറ്റിങ്ങും അനുവദനീയമല്ല. മതപരമായ കാരണങ്ങളല്ലാതെ ശിരോവസ്ത്രം അനുവദനീയമല്ലന്നും എംബസിയുടെ അറിയിപ്പിൽ പറയുന്നു.