ദുബായ് എയർഷോ; ഷെയ്ഖ് മുഹമ്മദ് ബിൻ റാഷിദ് സന്ദർശിച്ചു.

ദുബായ്: യുഎഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ദുബായ് വേൾഡ് സെൻട്രലിൽ നടക്കുന്ന ദുബായ് എയർഷോ 2025 വേദി സന്ദർശിച്ചു. ദുബായിയുടെ ഒന്നാം ഡെപ്യൂട്ടി ഭരണാധികാരിയും, ഉപപ്രധാനമന്ത്രിയും ധനകാര്യ മന്ത്രിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂം, ദുബായ് സിവിൽ ഏവിയേഷൻ അതോറിറ്റി പ്രസിഡന്റ്, ദുബായ് എയർപോർട്ട്സ് ചെയർമാൻ, എമിറേറ്റ്സ് എയർലൈൻ ആൻഡ് ഗ്രൂപ്പ് ചെയർമാനും ചീഫ് എക്സിക്യൂട്ടീവുമായ ഷെയ്ഖ് അഹമ്മദ് ബിൻ സയീദ് അൽ മക്തൂം, മറ്റ് പ്രതിനിധികൾ എന്നിവർ അദ്ദേഹത്തോടൊപ്പം ഉണ്ടായിരുന്നു. വ്യോമയാനം, ബഹിരാകാശം, പ്രതിരോധം എന്നിവയിലെ ഏറ്റവും പുതിയ വികസനങ്ങൾ ഉൾപ്പെടെ പ്രദർശിപ്പിച്ചിരിക്കുന്ന ഉൽപ്പന്നങ്ങൾ, സേവനങ്ങൾ, സാങ്കേതികവിദ്യകൾ എന്നിവ പ്രതിനിധി സംഘം അവലോകനം ചെയ്തു. ഒന്നിലധികം ഹാളുകളിലും, പവലിയനുകളിലുമായി പ്രദർശകർ പുതിയ വിമാനങ്ങൾ, സംവിധാനങ്ങൾ, നൂതനാശയങ്ങൾ എന്നിവ പ്രദർശിപ്പിച്ചു.  ഉദ്ഘാടന ദിന പരിപാടിയുടെ ഭാഗമായിട്ടായിരുന്നു ഈ സന്ദർശനം, ഈ വർഷത്തെ പരിപാടിയിൽ അവതരിപ്പിച്ച പ്രധാന ലോഞ്ചുകളും സാങ്കേതിക പ്രദർശനങ്ങളും നേതാക്കൾ സൂക്ഷ്മമായി പരിശോധിച്ചു.