2.667 ഗ്രാം എംഡി എംഎയുമായി യുവാവ് അറസ്റ്റിൽ

നീലേശ്വരം: സ്കൂട്ടിയിൽ കടത്തുകയായിരുന്ന മയക്കുമരുന്നുമായി യുവാവ് അറസ്റ്റിൽ. കാഞ്ഞിരോട് കുടുക്കിമൊട്ടയിലെ സി പി അജ്മലാ(23) ണ് അറസ്റ്റിലായത്. മാണിയാട്ട് കാലിക്കടവ്-ഒളവറ റോഡിൽ ചന്തേരയിൽ നിന്നുമാണ് നീലേശ്വരം റെയിഞ്ച് എക്സൈസ് ഇൻസ്പെക്ടർ പി കാർത്തികേയനും സംഘവും പ്രതിയെ പിടികൂടിയത്. ഇയാളിൽ നിന്ന് 2.667 ഗ്രാം എം ഡി എം എ കണ്ടെടുത്തു. അസിസ്റ്റന്റ് എക്സൈസ് ഇൻസ്പെക്ടർമാരായ വി വി സന്തോഷ് കുമാർ, പി രാജൻ, പ്രിവന്റീവ് ഓഫീസർ സി വിജയൻ, പി കെ ലീമ, സിവിൽ എക്സൈസ് ഓഫീസർ ഡ്രൈവർ പ്രദീപൻ എന്നിവരും കാസർകോട് ഐ ബി യിലെ ഓഫീസർമാരായ സാജൻ അപ്യാൽ, മുഹമ്മദ് കബീർ, അസിസ്റ്റന്റ് എക്സൈസ് ഇൻസ്പെക്ടർ മുരളി, കാസർഗോഡ് സ്ക്വാഡിലെ സിവിൽ എക്സൈസ് ഓഫീസർമാരായ ഷിജിത്ത്, ശൈലേഷ് കുമാർ എന്നിവരും സംഘത്തിൽ ഉണ്ടായിരുന്നു.