അൽ-ഉദൈദ് വ്യോമതാവളത്തെ ലക്ഷ്യമിട്ടുള്ള മിസൈൽ ആക്രമണം ഖത്തറിന്റെ വ്യോമ പ്രതിരോധ സംവിധാനങ്ങൾ വിജയകരമായി തടഞ്ഞതായി പ്രതിരോധ മന്ത്രാലയം.

ദോഹ: അൽ-ഉദൈദ് വ്യോമതാവളത്തെ ലക്ഷ്യമിട്ടുള്ള മിസൈൽ ആക്രമണം ഖത്തർ വ്യോമ പ്രതിരോധ സേന വിജയകരമായി തടഞ്ഞതായി പ്രതിരോധ മന്ത്രാലയം അറിയിച്ചു."ദൈവത്തിന് നന്ദി, സായുധ സേനയുടെ ജാഗ്രതയും സ്വീകരിച്ച മുൻകരുതൽ നടപടികളും കാരണം, സംഭവത്തിൽ മരണമോ പരിക്കുകളോ ഉണ്ടായില്ല." ഖത്തറിന്റെ വ്യോമാതിർത്തിയും പ്രദേശവും സുരക്ഷിതമാണെന്നും ഏത് ഭീഷണിയെയും നേരിടാൻ ഖത്തർ സായുധ സേന എപ്പോഴും സജ്ജമാണെന്നും മന്ത്രാലയം ആവർത്തിച്ചു. ഔദ്യോഗിക സ്രോതസ്സുകളിൽ നിന്നുള്ള മാർഗനിർദേശങ്ങളും ഏറ്റവും പുതിയ സംഭവവികാസങ്ങളും തേടണമെന്ന് പ്രതിരോധ മന്ത്രാലയം പൗരന്മാരോടും താമസക്കാരോടും നിർദ്ദേശിക്കുന്നു.