അൽ ഐൻ പുസ്തകോത്സവം 2025 നവംബർ 24 മുതൽ 30 വരെ.

അബുദാബി: അബുദാബി അറബിക് ലാംഗ്വേജ് സെന്റർ (എ എൽ സി) യുടെ ആഭിമുഖ്യത്തിൽ അൽ ഐൻ പുസ്തകോത്സവത്തിന്റെ നാലാമത് പതിപ്പ് 2025 നവംബർ 24 മുതൽ 30 വരെ അൽ ഐൻ സ്ക്വയറിൽ,ഹസ്സ ബിൻ സായിദ് സ്റ്റേഡിയത്തിലും, അൽ ഐൻ നഗരത്തിലെ നിരവധി പ്രമുഖ സാംസ്കാരിക കേന്ദ്രങ്ങളിലും സംഘടിപ്പിക്കും. പുസ്തകോത്സവം സന്ദർശകർക്ക് പുസ്തകങ്ങൾ, ആഖ്യാന കലകൾ, കവിത, സർഗ്ഗാത്മകത എന്നിവ ആഘോഷിക്കുന്ന സമഗ്രമായ ബൗദ്ധികവും സാംസ്കാരികവുമായ അനുഭവം പ്രദാനം ചെയ്യുമെന്ന് സംഘാടകർ അഭിപ്രായപ്പെട്ടു. സാംസ്കാരികവും, സാഹിത്യപരവുമായ പരിപാടികൾക്ക് ഒരു വിശിഷ്ട ലക്ഷ്യസ്ഥാനമെന്ന നിലയിൽ അൽ ഐനിന്റെ സ്ഥാനം ഉറപ്പിക്കുന്നതിനായി ഈ ഉത്സവം മാറും. നഗരത്തിന്റെ സാംസ്കാരിക പൈതൃകത്തിൽ നിന്നും, അതിന്റെ ആധികാരിക മൂല്യങ്ങളിൽ നിന്നും പ്രചോദനം ഉൾക്കൊണ്ടുള്ള സംവേദനാത്മക പ്രവർത്തനങ്ങളുടെ ഒരു സമ്പന്നമായ പരിപാടിയായിരിക്കും പുസ്തകോത്സവം. സമൂഹത്തിലെ വിവിധ വിഭാഗങ്ങളെ ഒന്നിപ്പിക്കുക, വായനാ സംസ്കാരം പ്രോത്സാഹിപ്പിക്കുക, എമിറാത്തി കുടുംബത്തിൽ ശ്രദ്ധ കേന്ദ്രീകരിക്കുക എന്നിവയാണ് ഇതിന്റെ ലക്ഷ്യം. എമിറാത്തി എഴുത്തുകാരെയും, പുസ്തകങ്ങളെയും പ്രോത്സാഹിപ്പിക്കുന്നതിനും, എല്ലാ സൃഷ്ടിപരമായ കലാരൂപങ്ങളിലുമുള്ള ശ്രദ്ധേയരായ പ്രതിഭകളെ ഉയർത്തിക്കാട്ടുന്നതിനും, നഗരത്തിന്റെ പുരാതന ഭൂതകാലത്തെ അതിന്റെ ശോഭനമായ ഭാവിയുമായി ബന്ധിപ്പിക്കുന്നതിനും, നഗരത്തിന്റെ സമ്പന്നമായ സംസ്കാരം പ്രദർശിപ്പിക്കുന്നതിനുമുള്ള ഒരു വേദിയായും ഇപ്രാവശ്യത്തെ പുസ്തകോൽസവം മാറും.