ഒമാൻ കടലിൽ കപ്പലുകൾ കൂട്ടിയിടിച്ചു; എണ്ണ ടാങ്കറിൽ നിന്ന് 24 പേരെ നാഷണൽ ഗാർഡ് രക്ഷപ്പെടുത്തി.

അബുദാബി: ഒമാൻ ഉൾക്കടലിൽ രാജ്യത്തിന്റെ തീരത്ത് നിന്ന് 24 നോട്ടിക്കൽ മൈൽ അകലെ അഡാലിൻ എന്ന കപ്പലും മറ്റൊരു കപ്പലുംകൂട്ടിയിടിച്ചുണ്ടായ അപകടത്തിൽ അഡാലിൻ എണ്ണ ടാങ്കറായ കപ്പലിലെ ഇരുപത്തിനാല് ജീവനക്കാരെ രക്ഷപ്പെടുത്തിയതായി യുഎഇയുടെ നാഷണൽ ഗാർഡിന്റെ കോസ്റ്റ് ഗാർഡ് വിഭാഗം സ്ഥിരീകരിച്ചു. കടലിൽ ഉണ്ടായ കൂട്ടിയിടിയെ തുടർന്നാണ് അടിയന്തര ഒഴിപ്പിക്കൽ നടന്നത്. നാഷണൽ ഗാർഡിന്റെ അഭിപ്രായത്തിൽ, ഒമാൻ ഉൾക്കടലിൽ രാജ്യത്തിന്റെ തീരത്ത് നിന്ന് 24 നോട്ടിക്കൽ മൈൽ അകലെയാണ് സംഭവം നടന്നത്, അഡാലിൻ എന്ന കപ്പലും മറ്റൊരു കപ്പലുമായി കൂട്ടിയിടിക്കുകയായിരുന്നു. സംഭവ സ്ഥലത്ത് തിരച്ചിൽ, രക്ഷാ ബോട്ടുകൾ വേഗത്തിൽ വിന്യസിച്ചു രക്ഷാപ്രവർത്തനം നടത്തുകയായിരുന്നു. എല്ലാ ജീവനക്കാരെയും സുരക്ഷിതമായി ഒഴിപ്പിച്ച് ഖോർ ഫക്കാൻ തുറമുഖത്തേക്ക് കൊണ്ടുപോയതായി അധികൃതർ വെളിപ്പെടുത്തി.