മാർപ്പാപ്പയുടെ നിര്യാണത്തിൽ യുഎഇ അനുശോചനം രേഖപ്പെടുത്തി.

അബുദാബി: അന്തരിച്ച കത്തോലിക്കാ ആത്മീയ നേതാവ് ഫ്രാൻസിസ് മാർപാപ്പയുടെ നിര്യാണത്തിൽ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അനുശോചനം രേഖപ്പെടുത്തി.

"സമാധാനപരമായ സഹവർത്തിത്വത്തിന്റെയും ധാരണയുടെയും തത്വങ്ങൾ പ്രോത്സാഹിപ്പിക്കുന്നതിനായി തന്റെ ജീവിതം സമർപ്പിച്ച ഫ്രാൻസിസ് മാർപാപ്പയുടെ വിയോഗത്തിൽ ലോകമെമ്പാടുമുള്ള കത്തോലിക്കർക്ക് എന്റെ അഗാധമായ അനുശോചനം അറിയിക്കുന്നു. അദ്ദേഹത്തിന് നിത്യശാന്തി ലഭിക്കട്ടെ." ഷെയ്ഖ് മുഹമ്മദ് എക്‌സിൽ എഴുതി.

യുഎഇ വൈസ് പ്രസിഡന്റും പ്രധാനമന്ത്രിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് പോപ്പിന്റെ നിര്യാണത്തിൽ അനുശോചനം രേഖപ്പെടുത്തി. "അനവധി ജീവിതങ്ങളെ സ്പർശിച്ച അനുകമ്പയും സമാധാനത്തോടുള്ള പ്രതിബദ്ധതയും നിറഞ്ഞ മഹാനായ നേതാവായിരുന്ന പരിശുദ്ധ പോപ്പ് ഫ്രാൻസിസിന്റെ വിയോഗത്തിൽ ഞങ്ങൾ അതീവ ദുഃഖിതരാണ്. അദ്ദേഹത്തിന്റെ വിനയത്തിന്റെയും മതാന്തര ഐക്യത്തിന്റെയും പാരമ്പര്യം ലോകമെമ്പാടുമുള്ള നിരവധി സമൂഹങ്ങളെ പ്രചോദിപ്പിക്കുന്നത് തുടരും." ഷെയ്ഖ് മുഹമ്മദ് എക്സിൽ പോസ്റ്റ് ചെയ്തു.