കാഞ്ഞങ്ങാട് നിത്യാനന്ദാശ്രമത്തിൽ ഔഷധക്കഞ്ഞി വിതരണം നടത്തി

കാഞ്ഞങ്ങാട്: കർക്കിടക മാസത്തിൽ പകർച്ചവ്യാധികളെയും സാംക്രമിക രോഗങ്ങളെയും പ്രതിരോധിക്കുന്നതിനും പ്രകൃതിദത്ത ഔഷധങ്ങളുടെ പ്രാധാന്യം ജനങ്ങളിലെത്തിക്കുന്നതിനുമായി കാഞ്ഞങ്ങാട് നിത്യാനന്ദാശ്രമം യുവ ബ്രിഗേഡിന്റെ നേതൃത്വത്തിൽ ഔഷധക്കഞ്ഞി വിതരണം നടത്തി. നിത്യാനന്ദ ആയുർവേദ സംരക്ഷണസമിതിയുടെയും നാട്ടുവൈദ്യൻമാരുടെയും സഹകരണത്തോടെ തുടർച്ചയായ അഞ്ചാം വർഷമാണ് കർക്കിടക മാസത്തിൽ ഈ പരിപാടി സംഘടിപ്പിക്കുന്നത്.

പതിനെട്ടോളം പാരമ്പര്യ ഔഷധസസ്യങ്ങൾ ഉപയോഗിച്ചാണ് ഔഷധക്കഞ്ഞി തയ്യാറാക്കിയത്. കാനായി നാരായണൻ വൈദ്യരുടെയും ചന്ദ്രമതി വൈദ്യരുടെയും നേതൃത്വത്തിലായിരുന്നു ഔഷധക്കഞ്ഞി ഒരുക്കിയത്. പരിപാടിയിൽ ആശ്രമ ഭാരവാഹികളും യുവ ബ്രിഗേഡ് പ്രവർത്തകരും നാട്ടുകാരും പങ്കെടുത്തു.