കോട്ടയം റാഗിങ്ങ് കേസ്; നഴ്സിങ്ങ് കോളേജ് പ്രിന്സിപ്പലിനേയും അസി. പ്രൊഫസറേയും സസ്പെന്ഡ് ചെയ്തു
കോട്ടയം: സര്ക്കാര് നഴ്സിങ്ങ് കോളേജ് ഹോസ്റ്റലില് നടന്ന റാഗിങ്ങുമായി ബന്ധപ്പെട്ട സംഭവത്തിൽ കോളേജ് പ്രിന്സിപ്പല് പ്രൊഫ. സുലേഖ എ.ടി,അസി. വാര്ഡന്റെ ചുമതലയുള്ള അസി. പ്രൊഫസര് അജീഷ് പി മാണി എന്നിവരെ അന്വേഷണ വിധേയമായി സസ്പെന്ഡ് ചെയ്തു. റാഗിംഗ് തടയുന്നതിലും, ഇടപെടുന്നതിലും വീഴ്ച പറ്റിയെന്ന് കണ്ടെത്തിയതിൻ്റെ അടിസ്ഥാനത്തിലാണ് നടപടി.
ഹൗസ് കീപ്പര് കം സെക്യൂരിറ്റിയെ അടിയന്തരമായി നീക്കം ചെയ്യാനും നിര്ദേശമുണ്ട്. ആരോഗ്യ വകുപ്പ് മന്ത്രി വീണാ ജോര്ജിന്റെ നിര്ദേശത്തെ തുടര്ന്ന് മെഡിക്കല് വിദ്യാഭ്യാസ വകുപ്പ് ഡയറക്ടര് നടത്തിയ അന്വേഷണത്തെ തുടര്ന്നാണ് നടപടി.
What's Your Reaction?
