വായന വെളിച്ചം വായന കളരി സംഘടിപ്പിച്ചു

മടിക്കൈ: മുണ്ടോട്ട് ദേശാഭിമാനി വായനശാല & ഗ്രന്ഥാലയത്തിൻ്റെ ആഭിമുഖ്യത്തിൽ “വായന വെളിച്ചം വായനകളരി”യുടെ നാലാമത് സംഗമം നമ്പീശൻസ് ഫാം ഹൗസിൽ നടന്നു. തകഴിയുടെ പ്രശസ്ത കൃതി 'തൊട്ടിയുടെ മകൻ' വായന വെളിച്ചം കൺവീനർ വിമല ടി പരിചയപ്പെടുത്തി.

പരിപാടിയിൽ കുട്ടികൾ തങ്ങളുടെ വായനാനുഭവങ്ങൾ പങ്കുവെച്ച് കുറിപ്പുകൾ അവതരിപ്പിച്ചു. തുടർന്ന് ഫാം സന്ദർശനം സംഘടിപ്പിച്ചു വിവിധ കൃഷിരീതികൾ, മരങ്ങൾ, ഫലവൃക്ഷങ്ങൾ എന്നിവയെക്കുറിച്ച് പരിചയപ്പെട്ടു. കെ. എം. വിഷ്ണു നമ്പീശനും എൻ. എം. രതീഷ് കുമാറും കൃഷിയെക്കുറിച്ച് വിശദീകരണം നൽകി.

ലൈബ്രേറിയൻ സുശീല എ. കെ.യും വിമല ടി. എന്നിവർ പരിപാടിക്ക് നേതൃത്വം നൽകി. പ്രസിഡൻറ് നിവേദ്യ അധ്യക്ഷത വഹിച്ചു. ബാലവേദി സെക്രട്ടറി ശ്രിയ ശ്രീധർ സ്വാഗതം പറഞ്ഞു. വായനശാല പ്രസിഡൻറ് എം. സതീശൻ നന്ദി രേഖപ്പെടുത്തി.