മടിക്കൈ ശ്രീ പെരിയാങ്കോട്ട് ഭഗവതി ക്ഷേത്ര കളിയാട്ട മഹോത്സവം ജനുവരി 31, ഫെബ്രുവരി 1,2 തിയ്യതികളിൽ നടക്കും.

മടിക്കൈ: മടിക്കൈ ശ്രീ പെരിയാങ്കോട്ട് ഭഗവതി ക്ഷേത്ര കളിയാട്ട മഹോത്സവം ജനുവരി 31, ഫെബ്രുവരി 1,2 തിയ്യതികളിൽ നടക്കും. 31 ന് ശനിയാഴ്ച രാവിലെ 11 മണിക്ക് കലവറ നിറയ്ക്കൽ ഘോഷയാത്ര. തുടർന്ന് പ്രസാദ വിതരണം. രാത്രി 8 മണിക്ക് പൂമാരുതൻ ദൈവത്തിന്റെ വെള്ളാട്ടവും, തുടർന്ന് ചാമുണ്ഡിയമ്മയുടെയും, വിഷ്ണുമൂർത്തി യുടെയും കുളിച്ചു തോറ്റം. ഫെബ്രുവരി ഒന്നിന് ഞായറാഴ്ച പകൽ ചാമുണ്ഡി അമ്മയുടെയും, വിഷ്ണുമൂർത്തിയുടെയും, പൂമാരുതൻ ദൈവത്തിന്റെയും പുറപ്പാട്. രാത്രി 8 മണിക്ക് പൂമാരുതൻ ദൈവത്തിന്റെ വെള്ളാട്ടവും, തുടർന്ന് ചാമുണ്ഡിയമ്മയുടെയും, വിഷ്ണുമൂർത്തിയുടെയും കുളിച്ചു തോറ്റം. ഫെബ്രുവരി രണ്ട് തിങ്കളാഴ്ച ചാമുണ്ഡിയമ്മയുടെയും, വിഷ്ണുമൂർത്തിയുടെയും, പൂമാരുതൻ ദൈവത്തിന്റെയും, ഗുളികൻ ദൈവത്തിന്റെയും പുറപ്പാട്. തുടർന്ന് തുലാഭാരം. ഉച്ചയ്ക്ക് നടക്കുന്ന അന്നദാനത്തോടുകൂടി കളിയാട്ട മഹോത്സവം സമാപിക്കും.