മാമ്പഴ രുചിയിൽ നിറഞ്ഞു കുട്ടികളുടെ വായനാസംഗമം
തൃക്കരിപ്പൂര്: മാമ്പഴത്തിന്റെ മധുരവും ബാല്യസ്മരണകളുടെ സൗരഭ്യവും ചേർന്ന വേറിട്ട വായനാസംഗമത്തിന് മൈത്താണി വേദിയായി. ഹോസ്ദുര്ഗ് താലൂക്ക് ലൈബ്രറി കൗണ്സിലിന്റെ ‘വായനാ വെളിച്ചം-വായനാക്കളരി’ പദ്ധതിയുടെ ഭാഗമായി ചൂരിക്കാടന് കൃഷ്ണന് നായര് സ്മാരക വായനശാല സംഘടിപ്പിച്ച ‘കുട്ടിക്കാല മാമ്പഴ സ്മരണകള്’ സാഹിത്യസംഗമമാണ് കുട്ടികള്ക്കും അമ്മമാര്ക്കും പുതുമയാർന്ന അനുഭവമായി മാറിയത്.
വയല്ക്കാറ്റ് വിശ്രമകേന്ദ്രത്തില് നടന്ന പരിപാടിയില് മാമ്പഴം രുചിച്ചുകൊണ്ട് കുട്ടികളും രക്ഷിതാക്കളും ബാല്യകാല ഓര്മ്മകള് പങ്കുവെച്ചു. മാമ്പഴത്തെ ആസ്പദമാക്കി എഴുതപ്പെട്ട കവിതകളും കഥകളും കുട്ടികള് അവതരിപ്പിച്ചതോടെ സംഗമം സാഹിത്യത്തിന്റെയും ഓര്മ്മകളുടെയും മധുരം നിറഞ്ഞ വേദിയായി.
വായനശാല സെക്രട്ടറി പി. രാജഗോപാലന് വൈലോപ്പിള്ളി ശ്രീധരമേനോന്യുടെ പ്രശസ്തമായ ‘മാമ്പഴം’ കവിതയും സാറാ ജോസഫ്യുടെ ‘മാമ്പഴക്കാലം’ കഥയും അവതരിപ്പിച്ച് കുട്ടികളെ സാഹിത്യലോകത്തേക്ക് കൈപിടിച്ചുനടത്തി.
വായനാ വെളിച്ചം കണ്വീനര് ശോഭിക മഹേഷ് അധ്യക്ഷത വഹിച്ചു. ബാലവേദി കൂട്ടുകാരായ ധനിക് ബാല, റിയ പ്രശാന്ത്, മീനാക്ഷി പി., അന്വിദ്, പാര്വ്വതി അമരീഷ്, അന്ഷിക ടി.പി. എന്നിവര് കഥകളും അനുഭവങ്ങളും അവതരിപ്പിച്ചു. വനിതാവേദി അംഗം തുളസി പി. സ്വാഗതവും ലൈബ്രേറിയന് നന്ദന പി.കെ നന്ദിയും രേഖപ്പെടുത്തി.
വായനയും ഓര്മ്മകളും മാമ്പഴ മധുരവും ചേര്ന്ന ഈ കൂട്ടായ്മ കുട്ടികളുടെ മനസില് മറക്കാനാവാത്ത അനുഭവമായി.
What's Your Reaction?
