വോട്ട് വിലയ്ക്ക് വാങ്ങിയ കേസിൽ മുൻ എം.പി മജീദ് അൽ മുതൈരി ഉൾപ്പെടെ 10 പേർക്ക് രണ്ട് വർഷം തടവ്.

കുവൈത്ത് സിറ്റി: വോട്ട് വിലക്ക് വാങ്ങിയതിന് മുൻ എം.പി മജീദ് മുതൈരിയെയും, കൂട്ടാളികളെയും അപ്പീൽ കോടതി രണ്ട് വർഷം കഠിനതടവിന് ശിക്ഷിച്ചു. 2023 ജൂൺ 6 ന്ന് നടന്ന ദേശീയ അസംബ്ലി തെരഞ്ഞെടുപ്പിൽ അഞ്ചാം മണ്ഡലത്തിൽ വോട്ട് വാങ്ങിയതിന് മുതൈരിയെയും, മറ്റുള്ളവരെയും ക്രിമിനൽ കോടതി നേരത്തെ തടവിന് ശിക്ഷിച്ചിരുന്നു. മറ്റ് പ്രതികൾക്ക് സമാനമായ തടവും, മറ്റൊരു പ്രതിക്ക് നാലുവർഷം തടവും, 2000 കെ ഡി പിഴയും വിധിയിൽ ഉൾപ്പെടുത്തിയിട്ടുണ്ട്.