പനങ്ങാട് സരസ്വതി എ.എൽ.പി സ്കൂളിൽ വായനാപക്ഷാചരണവും ക്ലബ്ബുകളുടെ ഉദ്ഘാടനവും

പനങ്ങാട്: സരസ്വതി എ.എൽ.പി സ്കൂളിൽ വായനോത്സവത്തിന്റെ ഭാഗമായി വായനാപക്ഷാചരണത്തിനും വിവിധ ക്ലബ്ബുകളുടെ ഉദ്ഘാടനത്തിനും തുടക്കമായി. ചടങ്ങിനോടനുബന്ധിച്ച് പി.ടി.എ ജനറൽ ബോഡിയും സി.പി.ടി.എ യോഗവും സംഘടിപ്പിച്ചു.

സാംസ്‌കാരിക-മാധ്യമ പ്രവർത്തകനായ വിനോദ് ആലന്തട്ട വായനാപക്ഷാചരണവും വിവിധ ക്ലബ്ബുകളുടെ ഉദ്ഘാടനവും നിർവഹിച്ചു. തുടർന്ന് രക്ഷിതാക്കളുമായും കുട്ടികളുമായും അദ്ദേഹം സംവദിച്ചു.

സ്കൂൾ ഹെഡ്മിസ്ട്രസ് പ്രീത പി സ്വാഗതം പറഞ്ഞു. പി.ടി.എ പ്രസിഡന്റ് അശോകൻ അധ്യക്ഷത വഹിച്ചു. അധ്യാപിക ജയശ്രീ നന്ദി രേഖപ്പെടുത്തി.