വായനദിന ലേഖന മത്സരം; രവീന്ദ്രൻ പാടിക്കും, സുരേന്ദ്രൻ ചീമേനിക്കും ഒന്നും, രണ്ടും സ്ഥാനം

മൊഗ്രാൽ: കേരള ഗ്രന്ഥശാല സംഘത്തിന്റെ ഉപജ്ഞാതാവ് പി.എൻ. പണിക്കരുടെ ചരമദിനമായ വായനാദിനാചരണത്തോടനുബന്ധിച്ച് മൊഗ്രാൽ ദേശിയവേദി സംഘടിപ്പിച്ച ജില്ലാതല ലേഖന മത്സരത്തിൽ രവീന്ദ്രൻ പാടി ഒന്നാം സ്ഥാനം നേടി. സുരേന്ദ്രൻ ചിമേനി രണ്ടാം സ്ഥാനവും അബൂബക്കർ മൊഗ്രാൽ മൂന്നാം സ്ഥാനവും നേടി.

‘ഇശൽ ഗ്രാമവും-കാൽപന്ത് കളിയും’ എന്ന വിഷയത്തിലായിരുന്നു മത്സരം സംഘടിപ്പിച്ചത്. ജില്ലയിലെ വിവിധ ഭാഗങ്ങളിൽ നിന്നായി സാഹിത്യരംഗത്തെ പ്രമുഖരടക്കം 25 പേർ മത്സരത്തിൽ പങ്കെടുത്തു.

വിജയികൾക്കുള്ള ക്യാഷ് അവാർഡുകളും ഉപഹാരങ്ങളും ഇന്ന് രാത്രി 7 മണിക്ക് മൊഗ്രാൽ ദേശിയവേദി ഓഫീസിൽ നടക്കുന്ന ചടങ്ങിൽ വിതരണം ചെയ്യും. അധ്യാപികയും എഴുത്തുകാരിയുമായ കീർത്തി ജ്യോതി ചടങ്ങ് ഉദ്ഘാടനം ചെയ്യും. യുവ കവയത്രിയും മൊഗ്രാൽ സ്വദേശിനിയുമായ മറിയം ജന്നത്ത് മർജാനയെ ചടങ്ങിൽ വെച്ച് അനുമോദിക്കും.