വിജയൻ തെരുവത്തിൻ്റെ കാവ്യ സമാഹാരം "അദൃശ്യ മുറിവുകൾ" പ്രകാശനം ചെയ്തു

പയ്യന്നൂർ: കവിയും കഥാകൃത്തും മാധ്യമപ്രവർത്തകനുമായ വിജയൻ തെരുവത്തിൻ്റെ കാവ്യ സമാഹാരം "അദൃശ്യ മുറിവുകൾ" പ്രകാശനം ചെയ്തു. പ്രൊഫ: ബി. മുഹമ്മദ് അഹമ്മദ് (മുൻ ഫോക് ലോർ അക്കാദമി ചെയർമാൻ, എഡിറ്റർ സമയം മാസിക) ചടങ്ങ് ഉദ്ഘാടനം ചെയ്തു.

കഥാകൃത്ത് സന്തോഷ് കുമാർ ചെറുപുഴ പുസ്‌തകം പ്രകാശനം ചെയ്തു. ശിവപ്രസാദ് എസ്. ഷേണായി.(എഡിറ്റർ പവിത്രഭൂമി) പുസ്തകം ഏറ്റുവാങ്ങി. രാജേഷ് കടന്നപ്പള്ളി പുസ്തകപരിചയം നടത്തി. ടി. ഭരതൻ, കെ.കെ. അഷറഫ് എന്നിവർ ആശംസകൾ നേർന്നു സംസാരിച്ചു. കെ. ശിവകുമാർ (സെക്രട്ടറി താലൂക്ക് ലൈബ്രറി കൗൺസിൽ) അധ്യക്ഷത വഹിച്ചു. പീറ്റർ ഏഴിമല സ്വാഗതവും, വിജയൻ തെരുവത്ത് നന്ദിയും പറഞ്ഞു.