സർക്കാർ സ്ഥാപനങ്ങളിൽ 400 പുതിയ തൊഴിലവസരങ്ങൾക്ക് അംഗീകാരം നൽകി ഷാർജ ഭരണാധികാരി.

ഷാർജ: ഷാർജ ഭരണാധികാരിയും സുപ്രീം കൗൺസിൽ അംഗവുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി, സർക്കാർ സ്ഥാപനങ്ങളിൽ 400 പുതിയ ജോലികൾക്ക് അംഗീകാരം നൽകാൻ നിർദ്ദേശിച്ചു. ബലിപെരുന്നാൾ അവധിക്ക് ശേഷം ഇവ നികത്തും. സർക്കാർ മാനവ വിഭവശേഷി പരിപാടികളിലൂടെ യോഗ്യതയും പരിശീലനവും നേടിയ സർവകലാശാല ബിരുദധാരികൾക്ക് മുൻഗണന നൽകും.

2025 ജൂലൈ 1 മുതൽ ഡിസംബർ 31 വരെ നടക്കുന്ന ഷാർജ പ്രോഗ്രാമിന്റെ നടപ്പാക്കൽ പദ്ധതിക്കും അദ്ദേഹം അംഗീകാരം നൽകി. മൊത്തം 55.8 ദശലക്ഷം ദിർഹത്തിന്റെ ബജറ്റാണിത്. തൊഴിലവസരങ്ങൾ വർദ്ധിപ്പിക്കുന്നതിനും ദേശീയ കഴിവുകളെ പിന്തുണയ്ക്കുന്നതിനുമാണ് ഈ സംരംഭം ലക്ഷ്യമിടുന്നത്.