ഹൊസ്ദുർഗ് ഉപജില്ലാ സ്‌കൂൾ കലോത്സവം: തീയതികളിൽ മാറ്റം

അമ്പലത്തറ: സംസ്ഥാന സ്‌കൂൾ കായികമേള നടക്കുന്ന സാഹചര്യത്തിൽ ഹൊസ്ദുർഗ് ഉപജില്ലാ സ്‌കൂൾ കലോത്സവത്തിന്റെ തീയതികളിൽ മാറ്റം വരുത്തി. അമ്പലത്തറ ജി.വി.എച്ച്.എസ് സ്‌കൂളിൽ ഒക്ടോബർ 27 മുതൽ 31 വരെ നടത്താൻ നേരത്തെ തീരുമാനിച്ചിരുന്ന കലോത്സവം ഒക്ടോബർ 30, 31, നവംബർ 2, 3, 4 തീയതികളിലായി പുനഃക്രമീകരിച്ചു.

സംസ്ഥാന സ്‌കൂൾ കായികമേള ഒക്ടോബർ 25 മുതൽ 31 വരെ നടക്കുന്നതിനാലാണ് തീയതികളിൽ മാറ്റം വരുത്തിയത്. പുനഃക്രമീകരിച്ച തീയതികളിൽ കലോത്സവം നടത്തുമെന്ന് സംഘാടകസമിതി ഭാരവാഹികൾ അറിയിച്ചു.