ആധാരം എഴുത്തു തൊഴിലാളി യൂണിയൻ കാസർകോട് ജില്ലാ കൺവെൻഷൻ നീലേശ്വരത്ത്

​നീലേശ്വരം: ആധാരം എഴുത്തു തൊഴിലാളി യൂണിയൻ കാസർകോട് ജില്ലാ കൺവെൻഷൻ ഈ മാസം14-ന് നീലേശ്വരം ജനത കലാസമിതിയിൽ വെച്ച് നടക്കും. രാവിലെ 11:30-ന് നീലേശ്വരം നഗരസഭാ ചെയർമാൻ പി പി മുഹമ്മദ് റാഫി കൺവെൻഷൻ ഉദ്ഘാടനം ചെയ്യും. ജില്ലാ പ്രസിഡന്റ് ടി വി രതീഷിന്റെ അധ്യക്ഷതയിൽ ചേരുന്ന യോഗത്തിൽ സംസ്ഥാന പ്രസിഡന്റും മുൻ എം എൽ എ യുമായ അഡ്വ: വി സത്യൻ, വൈസ് പ്രസിഡന്റ് രാജു ഡേവിഡ്, ട്രഷറർ തിരുവല്ലം മധു തുടങ്ങിയ പ്രമുഖ നേതാക്കൾ പങ്കെടുക്കും. ഈ മാസം 12-ന് നടക്കുന്ന ദേശീയ പണിമുടക്കിൽ സംഘടന സജീവമായി പങ്കാളികളാകുമെന്ന് ഭാരവാഹികൾ അറിയിച്ചു. പണിമുടക്കിന്റെ ഭാഗമായി രജിസ്‌ട്രേഷൻ ഓഫീസുകളുടെ പ്രവർത്തനം തടസ്സപ്പെട്ടേക്കാം. ​കൺവെൻഷന്റെ മുന്നോടിയായി നടന്ന വാർത്താസമ്മേളനത്തിൽ സംഘാടകസമിതി ചെയർമാൻ ശിവൻ ബങ്കളം, സംസ്ഥാന ജോയിന്റ് സെക്രട്ടറി ടി കെ സുകുമാരൻ, ജില്ലാ പ്രസിഡന്റ് ടി വി രതീഷ്, ട്രഷറർ അനിൽ കുമാർ തീർത്ഥങ്കര എന്നിവർ സംബന്ധിച്ചു.