കണ്ണൂർ സർവ്വകലാശാല യൂണിയൻ കലോത്സവം കാഞ്ഞങ്ങാട്; സംഘാടകസമിതി ഓഫീസ് തുറന്നു

കാഞ്ഞങ്ങാട്: കണ്ണൂർ സർവ്വകലാശാല യൂണിയൻ കലോത്സവം ഫെബ്രുവരി 4 മുതൽ 8 വരെ പടന്നക്കാട് നെഹ്റു ആർട്സ് ആൻഡ് സയൻസ് കോളേജിൽ നടക്കുന്നതിന് മുന്നോടിയായി സംഘാടകസമിതി ഓഫീസ് ഉദ്ഘാടനം ജില്ലാ പഞ്ചായത്ത് പ്രസിഡന്റ് സാബു എബ്രഹാം നിർവഹിച്ചു. ചടങ്ങിൽ കണ്ണൂർ സർവ്വകലാശാല സിൻഡിക്കേറ്റ് അംഗം ഡോക്ടർ എ അശോകൻ, ചെയർമാൻ നന്ദജ്ബാബു, സംഘാടകസമിതി കൺവീനർ പ്രണവ് എന്നിവർ സംസാരിച്ചു. കണ്ണൂർ സർവ്വകലാശാല യൂണിയൻ ജനറൽ സെക്രട്ടറി കവിതാ കൃഷ്ണൻ സ്വാഗതം പറഞ്ഞു. നെഹ്റു കോളേജ് പ്രിൻസിപ്പൽ ഡോ: ടി ദിനേശൻ അധ്യക്ഷത വഹിച്ചു. കണ്ണൂർ സർവ്വകലാശാല യൂണിയൻ കലോത്സവ ലോഗോ പ്രകാശനം കേരള യുവജനക്ഷേമ ബോർഡ് വൈസ് ചെയർമാൻ വി കെ സനോജ് നിർവഹിച്ചു. ചടങ്ങിൽ നെഹ്റു കോളേജ് പ്രിൻസിപ്പൽ ഡോ: ദിനേശൻ, ഡോ: മോഹനൻ, സെനറ്റ് അംഗം ആര്യ എം ബാബു, സംഘാടകസമിതി കൺവീനർ കെ പ്രണവ് എന്നിവർ സംസാരിച്ചു. കണ്ണൂർ യൂണിവേഴ്സിറ്റി യൂണിയൻ ജനറൽ സെക്രട്ടറി കവിത കൃഷ്ണൻ സ്വാഗതം പറഞ്ഞു. ചെയർമാൻ നന്ദജ് ബാബു അധ്യക്ഷത വഹിച്ചു.